Objective-C အခုတလော အရေးများလာရင်း တချို့ library လေးတွေ တော်တော်လေးကို အသုံးဝင်လှပါတယ်။ တနည်းပြောရင် မူရင်း SDK ထဲမှာ မပါဝင်ပဲ အခြား developer တွေ ရေးပေးထားတဲ့ library တွေပေါ့။ အဲဒီ အထဲမှာ ကျွန်တော် အသုံးများတဲ့ library လေးတွေကို ပြန်လည်စုစည်းပြီး တင်ပြလိုက်တာပါ။

JSON Framework

ဒီ library ကတော့ အသုံးအများဆုံးပဲ။ အဓိက အသုံးပြုဖြစ်တာက API တွေကို ခေါ်တဲ့အခါမှာ JSON string return ပြန်ပါတယ်။ အဲဒီ JSON ကို NSDictionary ပြောင်းဖို့အတွက် အဓိက အသုံးပြုဖြစ်ပါတယ်။

Zip Archive

iOS ကနေ တဆင့် upload ပြန်တင်တဲ့ အခါ ဒါမှမဟုတ် download ဆွဲချပြီး zip ပြန်ဖြည်တဲ့ အခါမှာ မရှိမဖြစ် လိုအပ်တဲ့ Library ပါ။ သာမာန် text data တွေကို zip လုပ်လိုက်တဲ့ အခါမှာ file size သိသိသာသာ သေးသွားပါတယ်။ အထူးသဖြင့် plist database တွေပေါ့။ လက်ရှိ dhamma stream project မှာ အသုံးပြုထားပါတယ်။

Audio Streamer

Audio player တစ်ခု ဖန်တီးတဲ့ အခါမှာ တော်တော် လေးကို အသုံးဝင်ပါတယ်။ iOS SDK မှာ ပါတဲ့ library ထက် ပိုမို အသုံးပြုရတာ လွယ်သလယ် ပိုမိုလည်း ကောင်းမွန်တယ်လို့ ဆိုရပါမယ်။ ဒီ library ကိုလည်း dhamma stream မှာ အသုံးပြုထားပါတယ်။