ဒီနေ့မှ Picasa 3 ကို သုံးကြည့်မိတယ်။ အရင်တုန်းက ကျွန်တော် Picasa ကို လုံးဝ မကြိုက်ဘူး။ Picasa web ပေါ်မှာတင်ရတာ အဆင်မပြေလို့လေ။ နောက်ပြီး သုံးရတာ သိပ်ပြီး လက်ဝင်တာ။ အခု version 3 လည်းရောက်ရော ကျွန်တော် အရင်က ထင်သလိုမဟုတ်တော့ပဲ တော်တော်လေးကို ကောင်းလာတယ်ဗျ။ အထူးသဖြင့် GUI ပိုင်းပေါ့။ အခုဆိုရင် Windows မှာပါတဲ့ Picture Viewer မသုံးပဲ Picasa ကို မရှိမဖြစ် ထည့်သွင်းထားရပြီ။ နောက်ပြီးတော့ Web ပေါ်မှာ upload တင်ရတာ အရမ်းကောင်းတယ်ဗျ။ ကိုယ့် picasa မှာ ကိုယ်ကြိုက်တဲ့ပုံလေးတွေကို ရွေးပြီး upload တင်လိုက်ရုံပဲလေ။ နောက်ပြီးတော့ resize ပါ တစ်ခါတည်း ချုံ့ပေးတော့ တော်တော်အဆင်ပြေတယ်ဗျာ။ ကျွန်တော်ကတော့ လက်ရှိ Picasa က မရှိမဖြစ်လို့ဆိုလို့ရလိမ့်မယ်။ အင်တာနက်ရှိပြီးတော့ picasa web ကို အမြဲ သုံးနေတဲ့လူဆိုရင်တော့ picasa 3 ကို မဖြစ်မနေ သုံးသင့်တယ်ဗျ။ နောက်ပြီး သမာရိုးကျ design မဟုတ်တော့ပဲ ဓာတ်ပုံ rotation effect လေးတွေနဲ့ တော်တော်လေးကို လှပါတယ်။ သုံးရတာလည်း ပျော်ဖို့ကောင်းပြီး ဓာတ်ပုံတွေကို လွယ်လွယ်ကူကူပြင်နိုင်ပါတယ်။ တစ်ခုပဲရှိတယ်။ CMYK ပုံတွေ မဖတ်နိုင်တာပါ။ RGB ကိုကောင်းစွာ ဖတ်နိုင်ပေမယ့် CMYK ပုံတွေကိုတော့ ဖတ်တဲ့အခါမှာ ကာလာက ကြောင်ထွက်သွားပါတယ်။ ဘာပဲပြောပြော သင့်စက်ထဲမှာ ထည့်ထားသင့်တဲ့ software တစ်ခုပါပဲ။