ပြီးခဲ့တဲ့နေ့တွေက Ubuntu ကို Customize လုပ်ပြီး live DVD တွေ ပြန်ထုတ်ဖို့ ကြိုးစားနေတာနဲ့ ၄ ရက်လောက် မအိပ်လိုက်ရဘူး။ တော်တော်လေးတော့ အတွေ့အကြုံရသွားတယ်။ လုပ်ရတဲ့အဆင့်တွေက အရမ်းလွယ်သွားပြီ။ ကျွန်တော်တို့ MZ ပွဲအတွက် DVD မှီအောင်တော့ ကြိုးစားနေတာပဲ။ ကိုရဲမြတ်သူ sponsor ပေးပေမယ့် ကျွန်တော် အတွေ့အကြုံမရှိတာကြောင့် တော်တော်နောက်ကျသွားတယ်။ Ubuntu ကို Customize လုပ်တုန်းက ပြသနာတွေက

၁။ Boot Image ဘယ်လိုလုပ်မလဲ။
၂။ Login Screen (GDM Theme) ဘယ်လိုလုပ်မလဲ။
၃။ ISO ကို ဖြည်ပြီး စိတ်ကြိုက် file တွေ package တွေ ထည့်ပြီး boot တက်အောင်လုပ်တဲ့ကိစ္စ။

Boot Image အတွက် usplash maker 1.04 ကို သုံးလိုက်တော့ အဆင်ပြေတယ်။ သူက တော်တော်လေးကို ကောင်းတယ်။ picture ပေါ်မှာ right click နှိပ်ပြီး usplash လုပ်ုလိက်ရုံပဲ။

GDM theme ကိုတော့ ကြိုက်တဲ့ဟာလေးရှာပြီး text ပဲပြောင်းလိုက်တယ်။

boot လုပ်တဲ့အပိုင်းကိုတော့ ISO Magic နဲ့လုပ်တယ်။ အဲမှာ တစ်ခု သတိထားရမှာက Load Boot Image ကိုခေါ်တဲ့အခါမှာတော့ isolinux folder အောက်က isolinux.bin ကိုခေါ်ပေးရမယ်ဆိုတာပဲ။ အဲဒါက boot တက်ဖို့ အတွက်လေ။ isolinux.cfg ကတော့ desing ပေါ့။ .txt ကတော့ ကိုယ်ဖော်ပြချင်တဲ့စာတွေ အပိုင်းပေါ့။ လုပ်ရတာလွယ်ပါတယ်။ boot တက်ဖို့ လုပ်လိုက်ရတာ ၂ ရက်လောက်ကြာတယ်။ .bin file ကို ခေါ်ရမယ်ဆို မသိတဲ့အတွက် တော်တော်ကြာသွားတယ်ဗျာ