Font Embed problem in Unicode

ဒီနေ့ ရုံးမှာ MMUnicode Embed အတွက် ထပ်ပြီး update လုပ်ဖို့ စဉ်းစားမိလာတယ်။ မနေ့ညကတည်းက စဉ်းစားမိပေမယ့် ရေးဖို့က ပျင်းနေတယ်။ ရုံးရောက်တော့ လူပျိုကြီးကိုတော့ လှမ်းပြီး အကြောင်းကြားလိုက်သေးတယ်။ ကျွန်တော် ဒီနေ့ comment မှာ ဇော်ဂျီနဲ့ ရိုက်ရိုက် unicode နဲ့ ရိုက်ရိုက် ရိုက်လို့ရအောင် လုပ်တော့မယ်လို့။ တကယ်တန်းတော့ ကျွန်တော် ငပျင်းမို့ပါ။ comment တဲ့သူတွေက unicode နဲ့ ဖတ်ပြီး comment တာတွေကို ဇော်ဂျီ နဲ့ ရိုက်သွားတယ်။ ဒါနဲ့ ကိုယ့်ဘာသာကိုယ် ပြန်ပြောင်းရတာပေါ့။ အဲလို ပြောင်းရတာ ပျင်းလို့ comment ရေးတာတွေကို ဇော်ဂျီနဲ့ ရေးရေး Unicode နဲ့ ရေးရေး ရအောင် လုပ်မယ်ဆိုပြီး ဆုံးဖြတ်ထားတာ။

ကိုရာဗီရေးထားတဲ့ font buster ဆိုတာလားမသိ အဲဒီ javascript နဲ့ ကိုငွေထွန်းရဲ့ zawgyi to unicode javascript ကို ပေါင်းလိုက်တယ်။ ကိုရာဗီရဲ့ script ကိုတော့ Parallel Universe မှာ ကိုရာဗီ ကူညီပေးရင်းနဲ့ အဲဒီ code ရှိတယ်ဆိုတာ သိသွားတာ။ အဲဒီက script နဲ့ ပါရဂူ script ကိုပေါင်းပြီးတော့ OneUniverse ဆိုပြီး ကိုယ့်ဘာသာ ကိုယ် chrome extension တစ်ခုထပ်ရေးလိုက်သေးတယ်။ ဇော်ဂျီတွေကို Unicode ပြောင်းပြီး ဖတ်လို့ရအောင်ပေါ့။

အဲဒီ one universe ကို comment ထည့်တဲ့ နေရာမှာ ထည့်လိုက်တော့ အဆင်ပြေသွားတယ်။ အခု comment တွေကို ဇော်ဂျီနဲ့ ရိုက်ထားလည်း submit လုပ်တဲ့အခါမှာ အလိုလို unicode ပြောင်းပြီး တင်ပေးသွားမယ်။ တကယ်လို့ unicode နဲ့ ရိုက်ထားတာဆိုရင်တော့ မပြောင်းတော့ဘူး။ ကြိုက်တဲ့နဲ့ ရိုက်ရတယ်။ comment လေးပေးဖို့ keyboard တွေ converter တွေ မလိုဘူး။ အလိုလို သိပြီး ပြောင်းအောင် ဖန်တီးပေးထားတယ်။ အဲဒါကိုလည်း MMUnicode Embed မှာ ထည့်ထားပေးတယ်။

အဲဒီ convert ကို စမ်းတာ လူပျိုကြီးနဲ့ ကိုဒီဘီကို ရုံးချိန်မှာ ခေါ်ပြီး စမ်းခိုင်းရတယ်။ firefox မှာ လုံးဝကို မရဘူးဖြစ်နေတယ်။ firefox 4 မှာရတယ်။ chrome , opera, safari မှာရတယ်။ ကျွန်တော့် firefox မှာတော့ ရတယ်။ ဘာကြောင့်မှန်းမသိ ဖြစ်နေတာ။ အိမ်ရောက်မှ code ကိုပြန်ကြည့်လိုက်တော့ ကျွန်တော် ထည့်ထားတဲ့ console.log(“some comment”); ဆိုတာ ကြောင့်မှန်း သိသွားတော့ အဲဒါလေး ဖြုတ်လိုက်တော့ အလုပ်လုပ်သွားရော။ အဲဒီ console.log လေးကို မတွေ့လိုက်တာ အချိန်တော်တော် ကုန်သွားတယ်။ လက်ရှိတော့ #comment နဲ့ #submit မှာပဲ ရေးထားတယ်။ template ပေါ်မှာ မူတည်ပြီး နည်းနည်းကွာမယ်ထင်တယ်။ သို့ပေမယ့် ကွာနိုင်ခြေ နည်းပါတယ်။

နောက်ပြီး firefox mac version မှာ နားမလည်တာ တစ်ခုတွေ့တယ်။ Masterpiece font ကို local file ကနေ သွားမခေါ်ဘူး။ font embed ကြီးကိုပဲ သွားသွားခေါ်နေတယ်။ အဲဒီတော့ rendering အလုပ်မလုပ်ဘူး။ firefox mac ပြဿနာလားဆိုပြီး Arial font နဲ့ တခြား font embed တစ်ကို စမ်းကြည့်တယ်။ ပြဿနာမရှိဘူး။ local file ကိုခေါ်ပြီး အလုပ်လုပ်တယ်။ Masterpiece ကိုမှ အလုပ်မလုပ်ဖြစ်နေတယ်။ chrome , safari စတာတွေက local file ကိုခေါ်ပြီး အလုပ်လုပ်တယ်။ ဒါနဲ့ Mac verison, firefox font embed ကို ဖြုတ်လိုက်တယ်။

နောက်ထပ် RSS မှာ font embed ရမလား စမ်းကြည့်ဖို့။ အဲဒါကတော့ pulse မှာ စာတွေ ဖတ်လို့ရဖို့ပဲ။ pulse မှာ unicode ပြောင်းလိုက်တဲ့ site တွေ ဖတ်မရတော့ဘူး။ ဖတ်လို့ရမယ့် နည်းလမ်းတစ်ခုခုတော့ ရအောင် လုပ်ရမယ်။ စဉ်းစားထားတာတွေ ရှိတယ်။ ဒီ လတော့ လုပ်နိုင်မယ်မထင်။ မအားတော့ဘူး။ မနက်ဖြန်ကစပြီး လုပ်စရာတွေ ပြန်လုပ်ရမယ်။ ဒီရက်ပိုင်း ကုဒ်လိုက်တာ တော်တော် အချိန်ကုန်သွားတယ်။ ဒီနေ့ ယူနီကုဒ် ဘယ်လို သွင်းရမလဲ ရေးဖို့တောင် အချိန်မရဖြစ်သွားလို့။ Keyboard နဲ့ font တွေကိုတော့ ညာဘက်က sidebar မှာ link တွေ ပေးထားပါတယ်။