အခုတလော One Piece ကြည့်နေတယ်။ Naruto ကတော့ On Going ဖြစ်သွားတော့ ၁ ပတ် ၁ ခါ စောင့်စောင့်ပြီး ကြည့်ရတဲ့ အခြေအနေ ဖြစ်သွားပြီ။ One Piece ကတော့ အပိုင်း ၄၅၆ ထိ ရောက်နေပြီ။ ကျွန်တော် ကြည့်နေတာကတော့ ၃၈၀ ရောက်သွားပြီ။ မကြာခင် On Going ဖြစ်သွားတော့မှာဆိုတော့ လျှော့ကြည့်နေရတယ်။ ဂျပန် ကာတွန်းကား နှစ်ခုလုံးမှာ တူညီတဲ့ ကျောရိုးရှိတယ်။ တူညီတဲ့ Character ရှိတယ်။ တူညီတဲ့ အိမ်မက်တွေ ရှိတယ်။ Naruto ကားမှာ ပါတဲ့ Narutor Character တွေက One Piece က Luffy မှာလည်း ပါဝင်နေတယ်။ သာမာန် မြန်မာကားတွေထက်စာရင် Anime Series တွေကြည့်ရတာ ပိုသဘောကျတယ်။ Naruto ကားပဲ ကြည့်ကြည့် One Piece ပဲကြည့်ကြည့်… ကြည့်ရတာ အားရှိတယ်။ ငါတို့မှာ အိမ်မက်တွေ ရှိတယ်။ ငါတို့ဟာ အိမ်မက်တွေ မက်ခွင့်ရှိတယ်။ ငါတို့ဟာ အိမ်မက်တွေကို အကောင်ထည်ဖော်ခွင့်ရှိတယ်။ အိမ်မက်တွေ တကယ်ဖြစ်လာဖို့ ဘယ်လောက်ခက်ခဲခက်ခဲ အရှုံးမပေးဘူး ဆိုတာတွေ ထည့်သွင်းထားတယ်။ Japan ကာတွန်းကားဆိုတော့ ဂျပန်တွေရဲ့ စိတ်ဓာတ်တွေ ထည့်သွင်းထားသလားတော့ ကျွန်တော် မသိပေ။
ကျွန်တော် အိမ်မှာ မြန်မာကားဖွင့် သံကို ကြားရတိုင်း စိတ်မချမ်းသာဘူး။ အတတ်နိုင်ဆုံး မကြားအောင် နေတယ်။ ဘာလို့လည်းဆိုတော့ ကြားရင် စိတ်တိုလို့။ အချို့ ပြက်လုံးတွေဟာ ရိုင်းတယ်လို့ ကျွန်တော်ထင်တယ်။ ကောင်းတဲ့ကားတွေကျပြန်တော့လည်း နိုင်ငံခြားကား ကူးချထားတာ ဖြစ်ပြန်ကော။ အခုတလောလည်း Blue Ray တွေ ထွက်တာ ကျဲနေတော့ English ကားတွေ သိပ်မကြည့်ဖြစ်ဘူး။ ထွက်တာတွေက R5 အဆင့် rip တွေပဲ ရှိနေပြန်တော့လည်း မကြည့်ချင်သေးဘူး။ ဒါကြောင့် Naruto on going စောင့်ကြည့်ပြီး One Piece ကို အဓိက ကြည့်မိတယ်။
Naruto ကားတစ်ခုလုံးမှာ သူငယ်ချင်းဆိုတာ ကို ပေါ်လွှင်အောင် အဓိပ္ပာယ်ဖွင့်ထားတယ်။ ဘဝဆိုတာ ဘယ်လိုရှင်သန်ရလဲဆိုတာကို ပေါ်လွင်အောင် ရေးသား ထားတယ်။ ဒါပေမယ့် ကျွန်တော်က One Piece ပိုကြိုက်တယ်။ One Piece မှာလည်း Narutor ကဲ့သို့ပင်။ Nakama ဆိုတာ ဘယ်လောက် အရေးပါလဲ။ Nakama ဆိုတာက ဂျပန်စာလုံးပါ။ သူငယ်ချင်း ၊ မိတ်ဆွေ လို့ အဓိပ္ပာယ်ရတယ် ထင်တယ်။ ကဲ.. ထားပါ။ တစ်ကားလုံးမှာ Nakama ဆိုတဲ့ စာလုံးအဓိက သုံးသွားတာများတယ်။ နောက်ပြီး One Piece မှာ Naruto နဲ့ မတူတဲ့ အချက်က Leader ဆိုတဲ့ အဓိပ္ပာယ်ကို ပေါ်လွင်ရုံမကဘူး Crew တစ်ယောက်ရဲ့ အရေးပါပုံတွေကို ထည့်သွင်းဖြည့်စွက်ထားတယ်။ Naruto မှာကတော့ Team Work ကို အသားပေးထားတယ်။ ၂ ကားလုံးက တကယ့်ကိုကောင်းတဲ့ ကားတွေပါပဲ။ ပုံမှန် မြန်မာကားတွေကို ကလေးတွေ ကြည့်မယ့်အစား အဲလို ကာတွန်းကားလေးတွေ ကြည့်တာ ပိုကောင်းလေ မလားလို့ စဉ်းစားမိလေရဲ့။ သို့ပေမယ့်လည်း English စာကို ကလေးတွေ နားမလည်ဘူးလေ။ မြန်မာလို စာတန်းထိုးလေးတွေ ရန်ကုန်မှာ ဝယ်လို့ရမယ်လို့ ထင်ပါတယ်။
ဘာပဲပြောပြော ကာတွန်းကားလေးတွေက ကောင်းတယ်ဆိုတာ အမှန်ပဲ။ Naruto ကြည့်ချင်တယ်ဆိုရင်တော့ http://www.narutoget.com ကနေ ကြည့်လို့ရပြီးတော့ One Piece ကို ကြည့်ချင်တယ်ဆိုရင် http://www.watch-onepiece.com/ ကနေ ကြည့်လို့ရပါတယ်။
Leave a Reply