Blog တွေရဲ့ သတင်းတွေဟာ အကုန်လုံး မမှန်ပါဘူးဗျာ။ အဲဒါကိုလည်း ကျွန်တော်တို့ အပြစ်ပြောနေလို့ မရဘူးလေ။ ဘာဖြစ်လို့လည်းဆိုတော့ blog ဆိုတာ တကယ့် သတင်းပညာရှင်ကြီးတွေ ရေးတာမဟုတ်ဘူးလေ။ နောက်ပြီး သတင်း site ကြီးမဟုတ်ဘူးလေ။ ကျွန်တော်တို့တွေကလည်း သတင်းတစ်ခုအတွက် သတင်း ဌာနတွေလိုလည်း မလုပ်နိုင်ဘူးလေ။ blog မှာ သတင်းတွေ ရေးလို့ ဘယ်သူမှ ပိုက်ဆံမပေးပါဘူး။ ကျွန်တော် ရေးတာတွေကလည်း အခု ကျွန်တော် ကြားတာတွေကိုပဲ ရေးနိုင်တော့တယ်။ ဒါကြောင့် ကျွန်တော့် ကျောင်းနဲ့ ပတ်သက်တဲ့ သတင်းတွေမှန်ချင်မှ မှန်မယ်။ မှားချင်လည်း မှားမယ်။ အရင်ကလို ကျောင်းမှာ မဟုတ်တော့ဘူးဗျာ။ ဒါကြောင့် အမှန်သိတဲ့လူတွေက အမှားပြင်တဲ့အနေနဲ့ comment လေးလိုပါတယ်ဗျာ။