ကိုရဲမြတ်သူနဲ့ တွေ့တုန်းက ဘုရားစာအုပ်တွေ iBook နဲ့ ဖတ်လို့ မရဘူး။ Font embed မရဘူးဆိုလို့ မဟုတ်သေးဘူး။ Apple က iBook 1.2 က စပြီး font embed ပေးလိုက်ပြီလို့ ဖတ်ထားဖူးတယ်။ သိပ်မသေချာတာနဲ့ မပြောဖြစ်ခဲ့ဘူး။ ပိတ်ရက်တွေတုန်းကလည်း Ornagai အသစ် update လုပ်တာရယ်။ နောက်ပြီး ornagaime ကို keyboard ပြန်ပြင်ရေးနေတာရယ်နဲ့ iBook ကို မလှည့်မိဘူး။ ဒီနေ့ ရုံးက အလုပ်တွေ ပြီးသွားမှ iBook ကို သတိရတာနဲ့ ရုံးက မဆင်းခင်မှာ စမ်းကြည့်သေးတယ်။ ဘယ်လို စမ်းစမ်း မရဘူး ဖြစ်နေတယ်။ နောက်မှ ဟိုလျှောက်ဖတ် ဒီလျှောက်ဖတ် ကြည့်ရင်းနဲ့မှ apple က default font မဟုတ်ပဲ font embed အတွက် သီးသန့် XML ထပ်ဖြည့်ပေးရမှန်း သိတော့တယ်။ ဒါနဲ့ XML လည်း ထည့်ပြီးရော iBook မှာ run လိုက်တာပေါ့။ အားရ စရာပဲ။

iBook crash ဖြစ်သွားတယ်။ file ဖွင့်လိုက်တိုင်း iBook crash ဖြစ်ပြီး ပိတ်ပိတ်သွားတယ်။ ရုံးမှာက Dropbox ထဲကို ထည့်။ Dropbox ကနေ တဆင့် iBook ထဲကို ထည့်ရတာဆိုတော့ သိပ်အဆင်မပြေလှဘူး။ ဒါနဲ့ အိမ်ရောက်မှ စမ်းမယ်ဆိုပြီး စမ်းဖြစ်တာပဲ။ အိမ်ရောက်တော့ ကိုယ့် macbook နဲ့ ကိုယ် sync လုပ်ရတာဆိုတော့ စမ်းရတာ အရမ်းမြန်တယ်။ သိပ်မကြာလိုက်ဘူး။ ရသွားတာပဲ။ font ရသွားတော့ လက်ရှိ unicode font တွေကို iBook မှာ support လုပ်မလုပ် စမ်းကြည့်တော့ ထင်တဲ့အတိုင်း Masterpiece ပဲရတယ်။ ဇော်ဂျီကတော့ ဘယ်နေရာမှာ မဆိုရအောင် လုပ်ထားတဲ့ font ဆိုတော့ ထည့်စဉ်းစားနေစရာတောင် မလိုတော့ဘူး။ ဒါပေမယ့် သေချာအောင် ထည့်စမ်းလိုက်တယ်။ ဇော်ဂျီနဲ့ masterpiece ကတော့ အဆင်ပြေတာကတော့ အမှန်ပဲ။ အခြား font တွေက လုံးဝ ကို ဖတ်မရဘူး။ အောက်မှာ ပုံလေးတွေ example ပြထားပါတယ်။

ဒါနဲ့ Nook Color မှာ စမ်းကြည့်မယ်ဆိုပြီး စမ်းကြည့်တော့ ထင်တောင် မထင်ဘူးဗျာ။ Masterpiece ကလွဲပြီး ကျန်တဲ့ font တွေ အဆင်ပြေတယ်။ နောက်ပြီး ပိတောက် font က nook color မှာ အရမ်းလှတယ်။ စာဖတ်ရတာ အရမ်းကောင်းတယ်။ Nook color မှာ ပိတောက် font ကို သဘောကျလွန်းလို့ ရေးထားတဲ့ စာကို ခဏခဏ တောင် ဖတ်မိနေတယ်။ အောက်က ပုံတွေက iPhone 3Gs နဲ့ ရိုက်ထားတော့ သိပ်အဆင်မပြေဘူး။ ဒါပေမယ့် Nook Color မှာ ပေါ်တဲ့ စာလုံး ပုံကိုတော့ တွေ့ရမှာပါ။

ဒီနေ့တော့ epub လုပ်ပုံ လုပ်နည်းကို တော်တော်လေးတော့ ဖတ်ဖြစ်လိုက်တယ်။ လွယ်မလိုနဲ့ ခက်တာပဲ။ အခုတော့ html file ၁ ခုတည်းနဲ့ပဲ epub လုပ်တတ်သေးတယ်။ လိုချင်တာက ခေါင်းစဉ် အလိုက်ခွဲပြီး page တွေ ခွဲပြီး သိမ်းတာမျိုးလေးတွေ လုပ်ချင်တာ။ အဲဒါအတွက် လေ့လာရ အုံးမယ်။ ဖြစ်နိုင်ရင် နောက်ထုတ်မယ့် စာအုပ်ကို epub format နဲ့ သီးသန့် တောင် ထုတ်ပေးချင်တာ။ ခက်တာက ထင်သလောက် မလွယ်ဘူး။ calibre က ထွက်တဲ့ format က font embed ထည့်လို့ မရဘူး။ font embed ထည့်တဲ့ format က သီးသန့် ပြန်လုပ်ရတာ ဖြစ်တော့ နည်းနည်း ရှုပ်တယ်။ ဒါပေမယ့် သဘောကျတာက interactive ebook တွေကို လုပ်လို့ ရတာပဲ။ javascript ကို ထည့်ပြီး run လို့ရအောင် ဖန်တီးလို့ ရလာပြီ။ အဲဒါလေးကို သဘောကျတယ်။ bee ဆိုတဲ့ စာလုံးကို နှိပ်လိုက်ရင် ပျား ပုံလေး ပြပေးဖို့လိုမျိုး ကိစ္စတွေကို အသုံးပြုလို့ရလာပြီ။ Apple ဘာလို့ pdf ထက် epub ကို ဦးစားပေးထားလဲဆိုတာ အခုမှ နည်းနည်း သဘောပေါက်လာတယ်။ ဘာပဲ ပြောပြော epub မှာ မြန်မာစာ unicode ကောင်းကောင်း မသုံးပြုလို့ရတယ်။ Nook ကော iBook ၂ ခုလုံးအတွက်ဆိုရင်တော့ Zawgyi နဲ့ ရေးတာ အဆင်ပြေတယ်။ Version ၂ ခု ခွဲသုံးနိုင်ရင်တော့ Font ၂ မျိုး သုံးတာ အဆင်ပြေတယ်။ ကျွန်တော်ကတော့ Nook color အတွက် epub ebook file ကို Yunghkio ကို header သုံးပြီး ပိတောက်ကို body text အနေနဲ့ သုံးချင်တယ်။ Mac မှာက အဲလိုမျိုး feature မရသေးဘူး။ font ဆိုလို့ masterpiece တစ်ခုပဲ ရွေးစရာရှိတဲ့ ဘဝ။