ဒီနေ့ google မှာ saturngod gmail ဆိုပြီး ရှာကြည့်လိုက်တော့ ကျွန်တော့် information တော်တော်များများထွက်လာတယ်။ အထူးသဖြင့် deviantart.com က information ပဲ။ ကျွန်တော်တို့တွေ community site တွေထဲမှာ ကိုယ့် Information တွေ ဖြည့်မိတာတွေ ကိုယ့် email လိပ်စာတွေ ထည့်မိတာတွေ ရှိကောင်းရှိမယ်။ ဒါဟာကောင်းလားဆိုတော့ ကိုယ့်အပေါ်မှာပဲ မူတည်ပါတယ်။ အဲဒီလိုမျိုး ကိုယ့် Information ကို အလွယ်တကူရှာတွေ့နိုင်တာ ကျွန်တော့် အထင်အတွက်တော့ မကောင်းဘူးထင်တာပဲ။ ကျွန်တော် ကိုယ်တိုင်က အေးအေးဆေးဆေးပဲ နေတတ်တဲ့လူတစ်ယောက်ဖြစ်ပြီး ကိုယ့်အကြောင်းလူမသိစေချင်ဘူး။ ဟိုးအရင်တုန်းက Internet ဆိုတာဘာမှန်း ကောင်းကောင်းမသိခင်တုန်းက တွေ့ရာနေရာမှာ ကိုယ့် information အမှန်တွေပဲ ထည့်ခဲ့ဘူးတယ်။ email တွေဆိုလည်း AT လို့မသုံးပဲ တိုက်ရိုက် @ ဆိုပြီး သုံးခဲ့ဘူးတယ်။ အဓိကတော့ email ပဲ။ ဘာဖြစ်လို့လည်းဆို နောက်တော့ ကြော်ငြာတွေ လိမ့်ဝင်လာတတ်တာပဲ။ အခုဆို တနေ့တနေ့ spam mail နဲ့တင် နည်းတာမဟုတ်ဘူး။ ကျွန်တော့်အမြင်ကတော့ google က crawl တွေ yahoo က crawl တွေ အခြား search engine က crawl တွေက community က profile တွေကို ဝင်ရောက်ရှာဖွေနေတာကို တွေ့ရတယ်။ တနည်းပြောရရင် ကိုယ့် information တွေအကုန်လုံးက search engine တွေဆီကိုရောက်ရှိနိုင်ပြီး  သူတို့အနေနဲ့ လူတွေ ဘာကြိုက်တတ်လဲ။ ဘယ်လိုလူတွေ ဘာကိုရှာချင်ကြလဲ ဆိုတာတွေကို သိနိုင်တယ်လေ။ search engine ကနေ ကိုယ့် information ရှာဖွေနိုင်တာကတော့ ကိုယ့် mail ကို spam တွေရောက်လာနိုင်ဆိုတာအပြင် အခြား အကြောင်းအရာတွေ အများကြီးလည်း ဖြစ်နိုင်တယ်လေ။ ကောင်းတာကတော့ ကိုယ့် အကြောင်းကို လူတွေ လွယ်လွယ်သိနိုင်တာအပြင် ကံကောင်းရင် ရည်းစားစာတွေပဲ ရနိုင်တာပေါ့။ virus ကပ်ပါလာရင်တော့ သိဘူး…. =P