Airsoft သွား ပစ်တဲ့ နေ့တုန်းက Web Designer နဲ့ ကားမှာ ဘေးကပ်ရပ် ထိုင်ဖြစ်တော့ စကားပြောဖြစ်ခဲ့တယ်။ သူနဲ့ အတူတူထိုင်ပြီးတော့ သူ့နိုင်ငံ အကြောင်း ကိုယ့် နိုင်ငံ အကြောင်းတွေ ပြောဖြစ်ခဲ့တဲ့အပိုင်းထဲက အပိုင်း အချို့

Me: မင်းတို့ အစိုးရက ဘယ်လိုလဲ။
Dirman: အရမ်းဆိုးတယ်ကွာ။

Me: ဟုတ်လား။ ဒါနဲ့ မင်း Design ပိုင်းကို ဘယ်ကနေ သင်လာတာလဲ။
Dirman: ကျောင်းမှာ သင်လာတာလေကွာ။

Me: အန် … အဲဒါတွေ တက္ကသိုလ်မှာ သင်တယ်။ ဟုတ်လား။
Dirman: အေးလေ။ မင်းတို့ဆီမှာ အဲလိုမျိုး တက္ကသိုလ် မရှိဘူးလား။ Visual Art တို့ Visual Design တို့ အပိုင်းတွေ သင်တဲ့ တက္ကသိုလ်လေ။

Me: အင်း.. မရှိဘူးလို့ ဆိုရမှာပဲ။ Computer နဲ့ ပတ်သက်ပြီးတော့ Software နဲ့ Hardware ပဲရှိတယ်။
Dirman: ဟုတ်လား။ programming ကို ကျောင်းမှာ သင်ပေးတာပဲ မဟုတ်လား။

Me: အဲလိုတော့လည်း မဟုတ်သေးဘူး။ ကျောင်းမှာလည်း သင်သလို Training Center တွေလည်း ရှိတယ်။
Dirman: ????

Me: Training Center တွေက မြန်မာနိုင်ငံမှာ အဓိက စီးပွားရေးလို့ ဆိုရမှာပဲ။ Training Center ဆိုတာက Programming, Graphic ပိုင်းတွေကို သင်ပေးတဲ့ Center ပေါ့။
Dirman: အော်… ဒါဆို မင်းတို့မှာ University ဘယ် နှစ်ခု ရှိလဲ။

Me: ( ဖြေရခက်ပြီ ) ငါတို့ ဆီမှာလား။ အင်း… University တွေကတော့ အများကြီးပဲ။ ဒါပေမယ့် စင်္ကာပူလိုမျိုး Campus နဲ့တော့ မဟုတ်ဘူး။ တစ်ဘာသာ တစ်ခု။ ပြည်နယ်တစ်ခု တက္ကသိုလ် တစ်ခုလို့ပဲ ဆိုရမှာပေါ့။ ဥပမာ။။ Computer ဆိုရင် တက္ကသိုလ်တစ်ခု။ ပြည်နယ်တိုင်းမှာ ရှိတယ်။ မင်းတို့ ဆီမှာကော။
Dirman: ( ရယ်ကျဲကျဲ … ပြုံးတုံးတုံးဖြင့် ) အင်း.. ငါတို့ဆီမှာကတော့ စင်္ကာပူမှာ အတိုင်းပါပဲ။ Campus နဲ့ပဲပေါ့။ ဒါပေမယ့် ပြည်နယ်တွေမှာလည်း University ရှိပါတယ်။

Me: အော်… မင်း ပြန်တော့မယ်ဆို.. ဘာဖြစ်လို့လဲ … ဟိုမှာ လခ ကကော..
Dirman: အင်း… ဟုတ်တယ်.. မိန်းမ နဲ့ ကလေးက ဟိုကို ပြန်သွားပြီ။ မိန်းမက ဟိုမှာ အလုပ်ရနေပြီဆိုတော့ ဒီကို ပြန်မလာတော့ဘူး။ ဒါကြောင့် ငါလည်း ပြန်တော့မယ်။ ဒီမှာနေရတာ သူတို့ မရှိတော့ အရမ်းပျင်းတယ်။ လခ ကတော့ အရမ်းကွာတာပေါ့။ $600 ကနေ $800 အတွင်းပဲရှိပါတယ်။ ဒီနဲ့ ယှဉ်ရင်တော့ နည်းတယ်။

Me: အင်း.. ငါတို့ ဆီမှာတော့ ပုံမှန် $200 လောက်ပဲ ရတယ်။ ဒါပေမယ့် စားသောက်စရိတ် က အရမ်းသက်သာပါတယ်။ ဒီမှာ သတ်သတ်လွတ်တွေက အရမ်းဈေးကြီးတယ်။
Dirman: အင်း… ငါတို့ဆီမှာလည်း သက်သာပါတယ်။

Me: ဟိုကို ပြန်တော့ အင်တာနက် Speed ကကော ကောင်းလို့လား။
Dirman: အင်း.. ကောင်းပါတယ်။ မင်းတို့ ဆီမှာကော။

Me: ငါတို့ဆီမှာကတော့ အမြင့်ဆုံးက 1Mb နဲ့ တူတယ်။ 512 kb ကိုတော့ ၁ လကို $50 ပေးရတယ်။
Dirman: အိုးးး… ဈေးကြီးလိုက်တာ။ ငါတို့မှာကတော့ အခု ဈေးသက်သာသွားပြီ။

….
….
…

ဘာရယ်မဟုတ်ပါဘူး။ ဒီအတိုင်း သူမေး ကိုယ်မေး စကားပြောခဲ့တာလေးတွေပါ။