ကျောင်းပြီးသွားတော့မှ သိလာတယ်။ ကျောင်းသားတွေကသာ အနာဂတ်အတွက်ဆိုတာကိုပေါ့။ အခု အလုပ်စလုပ်နေတော့ အရင်တုန်းကလို မအားတော့ဘူး။ ကျောင်းတက်နေတုန်းကလို မလေ့လာနိုင်တော့ဘူး။ တစ်ညလုံး စာတွေ ဖတ် မနက် ကျောင်းသွား။ ကျောင်းကားပေါ်အိပ် ကျောင်းရောက်တော့ ထပ်အိပ်။ ပြီးရင် ညဘက် တစ်ညလုံး ဖတ်လိုက် လေ့လာလိုက် စမ်းလိုက် ပြီးရင် သူများတွေကို ဝေမျှလိုက်။ ညဘက် gtalk မှာ သူငယ်ချင်းတွေ မေးတာဖြေလိုက်။ အဲဒီလိုမျိုး အခုအချိန်မှာ မရနိုင်တော့ဘူး။ မေးသမျှလည်း ဖြေဖို့အချိန်မရှိတော့ဘူး။ MZ ကိုတောင် ဝင်ကြည့်လိုက် လိုအပ်မှ ဖြေလိုက်။ edu မှာ စာသင်ဖို့အတွက် စာတွေ ပြန်ဖတ်ဖို့တောင် မနည်းအချိန်ပေးနေရတယ်။ ကျောင်းသားတွေကသာ အသစ်သစ်တွေ ထွင်နိုင်တာပါ။ ကျောင်းသားတွေကသာ တိုင်းပြည်အတွက် ရတနာပါ။ အခုအချိန်မှာ တစ်ခုခု စမ်းဖို့အရေးမနည်း အချိန်ပေးရတာ။ လုပ်ချင်တာတွေရှိတယ်။ အရင်ကလို အချိန်ပေးပြီး စာဖတ်လို့မရတော့ဘူး။ ညဆို တစ်ခါတည်း အိပ် မနက်ဆို ၈ နာရီလောက်ပြန်ထဆိုတော့ နည်းနည်းလေးအားတဲ့ အချိန်မှာ online တက်လာပြီး အလုပ်တွေလုပ်နိုင်တာလေ။ အဲဒီမအားတဲ့အချိန်မှာ online ပေါ်တက်ပြီး အလုပ်လုပ်တဲ့အချိန်မှာ google မှာ ရှာလို့ရတဲ့ ဟာတွေ လာမေးတာတွေ့ရင်တော့ တော်တော်လေးပေါက်တာအမှန်ပဲ။ google မှာရှာကြည့်လိုက်ပါ။ MZ လည်းတက်လာပြီ။ MZ က တကယ်ကောင်းတဲ့ resource တွေ အများကြီးပါ။ ဘာအလုပ်မှမလုပ်ရပဲ internet ကို မြန်မြန်လေး သုံးရရင်တော့………